اوفا څه ده؟
اوفا په کال ۲۰۲۲ م کې د ویښو افغان ځوانانو په مټ رامینځ ته شوه څو د هېواد د اړینو لاسته راونو د له مینځه تګ مخه ډب کړي او همدارنګه په هېواد کې د جمهوري نظام او ولسواکۍ لپاره لاره هواره کړي. اوفا په ولسواکۍ باور لري او د هر ډول تاوتریخوالي، زور او نفاق مخالفت کوي. اوفا د ټولو افغانانو که هغه په هېواد او یا هم له هېواده بهر میشت دي، د نښلولو لپاره رامینځ ته شوې ده. د اوفا عمده موخه د افغانانو د حیثیت ساتل او د خپل برخلیک په خپله د ټاکلو د توان او واک ترلاسه کول دي.